SƏNƏD VƏ MƏTNLƏR ÜZRƏ MÜTƏXƏSSIS

oktyabr 2017-ci il - aprel 2021-ci il
“Sumqayıt Texnologiyalar Parkı” MMC
Katiblik şöbəsi, Böyük mütəxəssis.
Aşağıdakılar daxil olmaqla, lakin onlarla məhdudlaşmamaqla vəzifə öhdəliklərinin qısa təsviri:
- müəssisənin struktur bölmələrinin (o cümlədən istehsalat sahələrinin) fəaliyyətinə aid, habelə müəssisə rəhbərliyinin göstərişlərinə müvafiq olaraq müəyyən edilmiş təşkilati-sərəncamverici və normativ sənədlərin (qaydalar, təlimatlar, əmrlər, əsasnamələr, prosedurlar, siyasətlər) layihə redaksiyalarının hazırlanmasını təmin etmək, sənəd layihələrinin məzmununun aidiyyəti tərəflərlə təhlilinin aparılması və razılaşdırılmasında iştirak etmək, sənədlərin məzmunu ilə bağlı mütəxəssis rəyi bildirmək və lazımi redaktə işlərini aparmaq;
- razılaşdırılmış sənəd layihələrinin təsdiqə təqdim edilməsini təmin etmək;
- müəyyən sahələr üzrə materiallar və hesabatlara baxış keçirilməsi, rəy bildirilməsi və razılaşdırılması proseslərində iştirak etmək, mətn üzərində lazımi redaktə işlərini aparmaq;
- göndərilən rəsmi məktublar, işgüzar yazışmalar və digər təqdimat xarakterli materialların hazırlanmasında yardım göstərmək, materiallara rəy bildirilməsi, razılaşdırılması proseslərində iştirak etmək və lazımi redaktə işlərini aparmaq;
- nitqlər, müraciətlər, icmal təqdimatlar və s. materialların mətn hissələrinin hazırlanmasında yardım göstərmək;
- materialların tərcüməsi və redaktəsi işlərində yardım göstərmək;
- daxili sənəd dövriyyəsi, məlumat və sorğu mübadilələrinin koordinasiyası proseslərində iştirak etmək;
- müəssisə rəhbərliyinin, eləcə də digər işçi qruplar və komissiyaların iclaslarının protokollarının (o cümlədən əlaqəli sənədlərin) hazırlanması, aidiyyəti üzrə paylanılması və razılaşdırılmasını təmin etmək, habelə sözü gedən sənədlərin icrası proseslərinə nəzarət etmək, əlaqələndirməni təmin etmək və nəticələrə dair məruzələr hazırlamaq;
- məlumat toplanması və sənədlərin sistemləşdirilməsi işlərində yardım göstərmək;
- müvafiq sənədlərin reyestrinin aparılmasını təmin etmək;
- zərurət yaranan hallarda şöbə rəhbərinin müavini qismində şöbədaxili iş proseslərinin koordinasiyası, iş bölgüsü və idarəedilməsi funksiyalarını yerinə yetirmək.
oktyabr 2016-cı il - oktyabr 2017-ci il
“EVRASCON” ASC
Bakı Beynəlxalq Dəniz Ticarət Limanı layihəsi
Sahə ofisi: Tərcüməçi - sənədlərə nəzarətçi
Vəzifə öhdəliklərinin qısa təsviri:
- mətn tərcümə və redaktə işlərini həyata keçirmək;
- sənədlərin (rəsmi məktublar, iclas gündəlikləri və protokolları, iş icra planları, SƏTƏM hesabatları, cədvəllər və s.) məzmununun tərtibatı və təhlili işlərində yardım göstərmək;
- daxil olan və göndərilən sənəd və materialların (korrespondensiyalar, hesabatlar, cədvəllər və s.) qeydiyyatını aparmaq;
- məlumat mübadiləsi və təqdimatı proseslərinin əlaqələndirilməsində iştirak etmək;
- sahə üzrə aidiyyəti sənəd qeydiyyatı jurnallarının aparılması, yenilənməsi və sənədlərin qovluqlaşdırılmasını təmin etmək;
- layihə tərəfdaşları ilə məlumat və sənəd mübadiləsinin təşkilində yardım göstərmək;
- sənəd yeniləmələrinin məruzə edilməsini təmin etmək.
oktyabr 2014-cü il - oktyabr 2015-ci il
AIKON CPIT inşaat şirkəti. Bakı şəhəri, ADA yeni korpus binasının inşası layihəsi
Tərcüməçi - protokolçu
Vəzifə öhdəliklərinin qısa təsviri:
- dil tərcümə xidmətləri göstərmək;
- iclasların təşkilində yardım göstərmək;
- mütəmadi keçirilən layihə-konstruktor və tikinti işlərinin gedişinə dair iclasların protokollarının tərtib edilməsi və paylanılması (o cümlədən zəruri hallarda iclas protokollarının iki dildə hazırlanmış redaksiyada paylanılması), həmçinin tələb olunan hallarda sifarişçi ilə keçirilən dövri iclasların qeydlərinin aparılmasını təmin etmək;
- fəaliyyət sahəsi üzrə sənədlərin qruplaşdırılması, yenilənməsi və ümumi elektron məlumat bazasında yerləşdirilməsini təmin etmək.
avqust 2011-ci il - avqust 2014-cü il
AECOM Engineering & Consultancy
ARDNF-nin (Azərbaycan Respublikası Dövlət Neft Fondu) yeni inzibati binasının inşası layihəsi
Tərcüməçi - sənədlərə nəzarətçi
Vəzifə öhdəliklərinin qısa təsviri:
- dil tərcümə xidmətlərinin göstərilməsi.
Sənəd dövriyyəsinə nəzarət üzrə:
- müvafiq sənədlərin uçotunun aparılması, sənədlərin arxivləşdirilməsi və qovluqlaşdırılmasını təmin etmək;
- məlumat mübadiləsi prosesinin koordinasiyasını (podratçı qurumlara sorğu göndərilməsi, onlardan məktubların qəbul edilməsi, qeydiyyat işlərinin aparılması və məlumat mübadiləsi prosesinə nəzarət edilməsi) təmin etmək;
- cari sənəd dövriyyəsi üzrə sənəd göndəriş formalarının qeydiyyatını aparmaq;
- layihə ilə əlaqəli sənədlər toplusuna dair məlumat bazasının yenilənməsini təmin etmək;
- layihə üzrə sifarişçi-podratçı əlaqələrinin koordinasiyası prosesində yardım göstərmək (layihə idarəetmə prosesinin tərkib hissəsi olaraq).
2009 - 2011- ci illər
“STRABAG Azərbaycan” MMC
İnşaat layihəsi: “JW Abşeron” mehmanxana binasının inşası layihəsi
Sahə idarəsinin tərcüməçisi
Vəzifə öhdəliklərinin qısa təsviri:
- dil tərcümə xidmətləri göstərmək;
- layihə-konstruktor və inşaat işlərinin gedişinə dair həftəlik iclas protokollarının tərtib edilməsi və paylanılmasını (zəruri hallarda - iki dildə hazırlanmış redaksiyada) təmin etmək;
- tikinti sahəsinə qısa səfərlər çərçivəsində danışıqlara dair qeydlər aparılmasını təmin etmək.