İnsan Resurslarının idarə olunması sahəsində çoxillik peşəkar təcrübəyə malikəm. Əmək qanunvericiliyinin tətbiqi, kadr kargüzarlığı, əmək müqavilələrinin rəsmiləşdirilməsi, işə qəbul prosesinin təşkili, vəzifə təlimatlarının, daxili normativ sənədlərin və əmrlərin hazırlanması, məzuniyyət, ezamiyyət və intizam prosedurlarının idarə edilməsi istiqamətlərində praktiki təcrübəm var.
Hazırda mülki sektorda İnsan Resursları üzrə baş mütəxəssis kimi fəaliyyət göstərirəm. Analitik düşüncə, məsuliyyətlilik, yüksək təşkilatçılıq qabiliyyəti və nəticəyönümlü yanaşma əsas peşəkar keyfiyyətlərimdir. Dəyişikliklərə tez uyğunlaşır, komanda ilə səmərəli əməkdaşlıq qurur və iş proseslərinin təkmilləşdirilməsi istiqamətində təşəbbüskar mövqe nümayiş etdirirəm.
Yeni bilik və bacarıqlar əldə etməyə, peşəkar inkişaf etməyə və təşkilatın insan resursları strategiyasına töhfə verməyə daim açığam.
2003-cü ildə Azərbaycan Ali Hərbi Məktəbi. İxtisas: İnzibati idarəetmə.
İnsan Resursları sahəsində 15 ile yaxın peşəkar təcrübəyə malikəm. 2011-ci ildən 2021-ci ilədək Hərbi sahədə İnsan resursları üzrə rəhbər vəzifələrdə işləmişəm. 2022-ci ildən mülki sektorda İnsan Resursları üzrə baş mütəxəssis kimi fəaliyyət göstərir, əmək qanunvericiliyinin tətbiqi, kadr kargüzarlığı, işə qəbul, əmək münasibətlərinin idarə olunması və HR sənədlərinin hazırlanması istiqamətlərində çalışıram. İdarəetmə və təşkilatçılıq bacarıqlarına sahibəm.