OPERATOR

- Operator növbə ərzində təhkim olunduğu xəttdə xammalın xəttə verilməsindən başlayaraq hazır məhsulun KNŞ nəzarətçisi tərəfindən qəbul olunmasına qədər bütün mərhələlərə cavabdehdir.
- Operator növbəni qəbul edən zaman xəttdə istehsal olunan məhsulun parametr və ölçülərini, istehsal sürətini, istifadə olunan xammalın markasını ustadan öyrənməli və yadda saxlamalıdır
- Operator istehsal prosesi zamanı makinanın işləməsinə, istehsal xəttində olan bütün ölçmə vasitələrinin (monometr, ampermetr, termo tənzimləyici, voltmetr, termometr və s.) göstəricilərinə nəzarət etməli, hər hansı kənara çıxma olduqda dərhal ustaya məlumat verməlidir.
- Operator növbə ərzində işlədiyi xəttdə makinanın deposunun (bunker) daim xammalla dolu olmasına, makinanın istilik bölgələrinin düzgün işlənməsinə, soyutma sisteminin işlək vəziyyətdə olmasına nəzarət etməlidir
- Operator istehsal olunan məhsula daim vizual baxış keçirməli, hər hansı bir qusur aşkar etdikdə KNŞ nəzarətçisinə və ustaya məlumat verməli, boruların uclarının düz və tilişkəsiz kəsilməsini təmin etməlidir
- Operator növbə ərzində istehsal olunan məhsulun uçotunu aparmalı və növbənin sonunda KNŞ nəzarətçisinə məlumat verərək raporta imza atmalıdır.
- Operatorun təhkim olunduğu xəttdə növbə ərzində hər hansı yeni məhsul istehsal olunarsa operator xəttin tənzimlənməsində və yeni məhsulun istehsal olunmasında növbə ustasına yaxından kömək etməlidir.
- Növbəli iş rejimi.